Elkargoko helburu eta funtzioak

Zer da Elkargoa

Gipuzkoako Industri Ingeniarien Elkargo Ofiziala bere helburuak betetzeko nortasun juridiko propioa eta jarduteko gaitasun publiko eta pribatu osoa duen Zuzenbide Publikoko korporazio bat da, 1998an osatu eta Araba, Gipuzkoa eta Nafarroako lehengo Industri Ingeniarien Elkargo Ofizialaren banaketaren ondorioz sortu zena.

Bere finantzaketa, elkargokidetza-kuota, bisatu eskubide eta Industri Ingeniarien taldearentzat sustatzen dituen zerbitzu korporatiboetatik eratorritako sarreretan oinarritzen da.

Bere funtsezko helburuak honako hauek dira: 

 Ingeniaritzaren aurrerapena sustatzea, hau gizartearen zerbitzura jarriz.

Lanbidearen jarduera antolatzea.

Lanbidea Ordezkatzea.

Gipuzkoako lurralde eremuan, Elkargokideen lan interesak defendatzea.

Azken finean, hiritarren eskubideen berme bezala, beraien elkargokideen lan jarduera guztietan hobekuntzak egotera zuzenduta dauden ekintzak bultzatu, sostengua eman eta koordinatzea.

Gipuzkoako lurralde eremuan lan egin nahi duten ingeniari guztientzat derrigorrezkoa da elkargoan izena ematea.

Elkargoa, Elkargo Profesionalak erregulatzen dituen apirilaren 14ko 7/1997 Legeak (BOE 15.04.97), Tituludun Lanbideei eta Euskal Autonomia Erkidegoko Profesionalen Elkargo eta Kontseiluei buruzko azaroaren 21eko 18/1997 Legeak (BOPV 11.12.97) eta bere Estatutuek zuzentzen dute. Informazio gehiago nahi dutenek Legislación colegial básica delakora jo dezakete.

Batzar orokorrak 

Elkargoaren eginkizunak :

Elkargoaren eginkizunen artean, honako hauek azpimarra ditzakegu:

Administrazioari , partikularrei eta elkargokideei aholku ematea txostenak eginaz edo kontsultak argituz.

Lanbidearen jarduera antolatzea eta zaintzea Industri Ingeniaritzaren Arau Deontologikoen betetzeaz arduratuz.

Elkargokideen laneratzea hobetzera bideratuta dauden ekintzak sustatzea.

Elkargokideen prestakuntza, birziklapen eta hobekuntzan laguntzea .

Industria Ingeniarien artean aurrikuspena antolatzea, batez ere Erantzunkizun Zibila Profesionalaren estaldura.

Elkargokideen eskubide eta betebeharren ardura edukitzea.

Sarkoikeria eta elkarlehia desleiala ekiditera bideratutako neurriak hartzea.

Lanbidearen interes orokorrak ordezkatzea.

Ikerkuntza eta teknologiaren garapena sustatzea.

• Elkargokideen arteko erlazioak sustatzea.

Elkargoaren ahalmen garrantzitsuenen artean, elkargokideen lan profesionalen Bisatua dago, lanbidea antolatzeko duen funtsezko helburua betetzeko Elkargoaren oinarrizko tresna delarik